ASPETTANNO 'O MIRACOLO

Tutte quante 'int'à città
simme prive 'e cammenà,
si staje 'a ppere certamente
senza sorde può tumà.
Ce stà sempe 'o mariunciello
che te fotte 'o portafoglio
e te siente pure 'e muorte
si 'o milione nun ce stà.
'Int'à machina e cchiù bello,
tu si privo 'e te fermà
che te vene 'o guagliunciello
che quacc'osa te vo dà.
Vuote Il'angolo e te truove
tra 'o spurtiello e 'o parabrezza
'a capocchia 'e nu scugnizzo
c'à Marlboro vò appiccià.

Chi te venne l'accendino,
chi te venne 'o fazzuletto
chesto e proprio na disdetta
nun se pò cchiù suppurtà.
Nuje tenimme nà furtuna
ca cchiù bella nun ce stà,
nuje tenimme 'a San Gennaro
c'o miracolo 'adda fà
Ci'adda fà truvà 'o petrolio
mmiezo 'o llargo 'a Carità,
'adda fà magnà 'o limone
a sceicchi e maragià.
Sulo allora finalmente
tutt'ò munno caparrà
c'à putenza 'e San Gennaro
vale ciente vote Allah...