DINT' 'O SUPPIGNO

Attratto comme fosse na magia
so stato 'int'ò suppigno a casa mia,
e 'mmieze a tanti ccose abbandunate
aggio truvato nu cascione viecchio.
Forse istintivamente o forse apposta
l'aggio araputo cu tanta dulcezza.
Fra ciente pezze e nu vestito antico
na cosa assaje lucente m'à culpito,
era nu giradischi e papà mio
ca sempe me parlava e chistu "coso"
e sempe pecché songhe assaje curiuso

io pa priezza me l'aggio pigliato.
L'aggio levato 'a povere ca steva
e l'aggio lucidato 'a dinto fòre,
tremmanno po che 'mmane 'a l'emozione
aggio girato 'a leva ca ce steva
e m'aggio miso 'a sentere 'e canzone.
Na vecchia canzuncella m'ha culpito
tanto c'à stiento m'aggio ricurdata,
m'à cantava papà quanno io nennillo
chiagnevo forte 'a dint'à cunnulella
e pe me fà stà zitto me cantava
proprio chesta canzone do ce assaje'.

Comm'à nu film me venuto a 'mmente
tutt'ò passato da famiglia mia,
d'à nonna, 'o nonno e tutta 'a casa mia,
me so venute 'a mente tutte quante
e quanta gente ca mo nun ce stanno.
E mentre mò na lacrema se vede
ca jesce chi ano a dintà ll'uocchie mie
l'aggio astipato dannace nu vaso
dint'ò cascione d'ò suppigno mio...