'O PERDONO

'O perdono che dé:
é na sottomissione;
e uno c'ha sbagliato
e che vvò remmedià.
E' uno c'ha capito
che bbuono nunn'ha fatto
e mmò che cerca 'e mezze
pe farse perdunà.
Invece stà parola
tu nun l'hai maje capita
faje 'a forte cu te stessa
e nun vuò ragiunà.
Se me vulisse bbene
cercasse 'e me capì
e chi sto core 'e prete
cercasse d'arapì.
lo voglio sulo 'a te
nu poco 'e cumprenzione
io cerco sulo 'a pace
nun voglio discussione.
Vulesse che tu stisse
dint'à stù core mio
pe farte sentì 'o mmale
comme stò 'a senterlo io.
Nun fà cchiù stì capricce
e siente bbuono 'a mme
tu tiene 'a mme vicino
e t'amo comm'à cche...